Burcad badeeddii afduubatay doonta ay saarnaayeen shaqaale muwaadiniin ka ah Spain ayaa mar ay la soo xiriireen qaar ka mid eheladii ay dadkaasi ka dhasheen u sheegeen inaysan soo dayn doonin dadka ay heystaan ilaa laga soo daayo dhowr wiil oo Soomaali ah oo dalka Spain ku xiran loona wado in maxkamad burcadnimo badeednimo loo soo saaro.
Sidoo kale, waxa ay isla codsiga ah in la sii daayo dhalinyarta burcadbadeednimada lagu xirtay u sheegeen shirkaddii lahayd doonta ay dhowaan ku qabteen iyadoo ka kaluumeysaneysa xeebaha Soomaaliya.
Dadka maanta mudaaharaadka ugu dibad baxay dhexbartanka magaalada Madrid ayaa ahaa kuwo xamaasadoodu aad u kacsantahay waxa ayna muujinayeen taageero buuxdo oo ay la garab taagnaayeen eheladii dadka la qabsaday ay ka dhasheen. Gabar ka mid ahayd kuwa banaanbaxa ka qayb qaadanayay ayaa si toos ah u gaarsiisay dadka mudaaharaadayay warka ka soo yeeray burcad badeedka kaasoo ahaa codsigooda in labada wiil ee Soomaali dhaladka ah ee dalka Spain ku xiran in si deg deg ah loo soo daayo taas oo aan lahayn wax ka wadahadal ama xaajood ah. Sidoo kale, say gabartu sheegtay, ma jiraan wax madaxfurasho ah oo kooxaha markabka heystaa ay soo codsadeen.
Wararka maanta ka soo baxaya dalka Spain ayaa sheegaya in Xooghayaha arimaha difaaca dalka Spain. Constantino Méndez, uu ku gacan seyray codsiga ah in la sii daayo dhalinyarta ku xiran dalka Spain ee loo heysto burcad badeednimoda isagoo ku sheegay arinkaa inuu yahay mid aan laga wada xaajoon karin.
Doonta barcad badeedu ka qabatay gudaha xeebaha dalka Soomaaliya iyadoo kaluumeysaneysa ayaa waxaa saarnaa shaqaale gaaraya 36 kaluumeyste.
Waxaa maanta magaalada Madrid ka dhacay banaanbax ay isugu soo baxeen dad Spanish ah oo aad iyo aad uga caraysan dad dalkaaasi u dhashay oo dhowaan laga afduubtay xeebaha Soomaaliya iyagoo ka kaluumeysanaya islmarkaana lagala degay doontii oo gudaha loola galay dhulka Soomaaliya.
