|
Gudoomiye Ku Xigeen Shiddo Ka Abuuray Xilkii Maamulka G.Banaadir oo Laga Xayuubay |
|
|
|
|
Written by Admin
|
|
Saturday, 07 November 2009 |
|
Gudoomiye kuxigeenkii hore ee maamulka gobolka Banaadir ayaa la sheegayaa in uu si toos ah uga hor yimid amar looga qaadayo masuulnimada maamulka gobolka Banaadir isagoo aanan rumeysneyn in xilka laga qaaday.
Gudoomiye kuxigeenka ayaa gabi ahaanba diidan xil ka qaadista shalay lagu sameeyay.
Shir saxaafadeed uu Gudoomiye Ku xigeenkii hore ee gobolka banaadir, Axmed Aadan Shiddo, ku qabtay maanta magaalada Muqdisho ayuu ku sheegay in ay tahay talaabo sharci darro ah xil ka qaadistii dhamaan masuuliyiintii maamulkii hore ee gobolka banaadir shalay lagu sameeyay, kaas uu isagu ka mid ahaa.
Sida uu Shiddo ku andacooday, majirto cid isaga xilka ka qaaday, waxaana xilka qaadi karta ayuu yiri, Golaha Deegaan Gobolka Banaadir oo kaliyah.
Dowladda Federaalka Soomaaliya ayaa maalintii shalay xilka ka xayuubisay dhamaan masuulkii Gobolka Banaadir, waxaana maamulkaa gudoomiyaha ka ahaa Maxamed Cusmaan Cali (Dhagaxtuur).
|
