|
Dakadda Muqdisho oo maanta dib u hawlbilaawday ka dib markii laxaliyey qilaaf ka taagnaa |
|
|
|
|
Written by Admin
|
|
Wednesday, 04 November 2009 |
 Dakadda caalamiga ah ee magaalada Muqdisho ayaa maanta si rasmi ah dib hawleheedii ugu bilaawday ka dib markii ay dakaddu hakad gashay maalmihii ugu danbeeyay sababo la xiriira muran u dhexeeyay maamulka dakada iyo ganacsatada gobalka banaadir.
Arintaan ayaa looga dhawaaqay kulan balaaran oo ay kasoo qayb galeen madax ka tirsan DKMG iyo midowga ganacsatada gobalka Banaadir oo maanta ka dhacday gudaha dekadda magaalada Muqdisho.
Kusimaha raysalwasaaraha Soomaliya ahna wasiirka kaluumaysiga iyo qayraadka badda ayaa shirkaasi ka dib u sheegay saxafiyiinta in hawlaha dakadda ay caadi yihiin murankiina la xaliyay dhankoodana gudoomiyaha ganacsatada gobalka Banaadir Maxamuud Cabdi Kariim gabayre ayaa sheegay in ay aqbaleen in ay dib hawlahooda u qabsadaan ayna ku faraxsanyihiin.
Sagaal maalmood ka dib ayaa maanta waxaa dakada si caadi ah looga dajinayay badeecooyinka dulsaaran ugu yaraantii 4 markab oo xiligaan ku xiran dakadda Muqdisho.
Muranka ayaa waxaa uu salka ku hayay qaabka baarista alaabta kasoo dagaysa dakadda oo ay isku maandhaafeen ganacsatada iyo maamulayaasha dekadda ka dib markii maamulka dakadda ay dalbadeen in la furfuro dhamaan badeecooyinka kasoo dagaya dakadda magaalada Muqdisho taas oo ganacsatadu ay gaashaanka ku dhufteen waloo hadda lasheegayo in sidii hore hawsha loo daayay.  |
