Dalkanews Videos

Wiilkaan oo lagu magacaabi jiray Maxamed Ceerigaabo ayaa ku geeriyooday Bartamaha Magaaladda Caasimadda ah ee Kuala Lumpur, wararka ayaa waxay sheegaayaan Marxuumka oo socday doonaayana inuu ka gooyo laami uu markaasi kaabiga ku haayay ayaa waxaa si kama' ah u jiiray Gaari aanan ilaa iyo hada la-sheegin nooca uu ahaa, kaasoo darawalkii waday uu meesha ka baxsaday.

Ilaa iyo hada lama oga cidii gaarigaasi wadday iyo waxa uu ahaa, balse Booliska Malaysia ayaa waxay sheegeen iney cadeyn buuxdo soo saari doonaan maalinimada beri oo Arbaca ah.

 

Allaha U Naxariistee Maxamed Ceerigaabo ayaa wuxuu wax ka baran jiray Jaamacadda Unisel oo ku taalla Gobolka Selangor, gobolkaan ayaa daris la ah Magaaladda Caasimadda ah ee Kuala Lumpur.

 

Marxuumka oo markuu geeriyooday kadib la-sheegay in meedkiisii la-geeyey Cisbitaalka Caalimiga ah ee Kuala Lumpur, intii uu meedkiisa yaalay cisbitalka ayaa waxa uu ku soo booqday Madaxweyne ku xigeenka Somaliland Mudane Axmed Yusuf Yaasiin oo dhawaan soo gaaray dalkaan Malaysia waa sida ay i sheegeen qaar ka tirsan asxaabtii Marxuumka. Maxamed Ceerigaabo ayaa waxaa lagu aasay Caasimadda Malaysia.

Waxaana aaskiisa goobjoog ka ahaa Madaxda Jaaliyadda Soomaliyadeed ee dalkaan Malaysia, Sida Gudoomiyaha Jaaliyadda DR Maxamed Cabaas, Xoghaye Jaaliyadda Maxamuud Beene Beene, Madaxa Shirkadda Dahab Shiil ee xaruunteeda Malaysia Mudane Cabdi Khadar, Madaxda Jaamacadda Unisel uu Ardayga wax ka baran jiray iyo dhamaan qeybaha kala duwan ee bulshada iyo Ardaydaba.

 

 

 

Xasan Cabdi Xersi (Xasan Cadde)

Email: This e-mail address is being protected from spam bots, you need JavaScript enabled to view it

 

Dalkanews.com, Kuala Lumpur Malaysia….