|
Shabaabka Marka oo goor dhow xukun dil ku fuliyay labo dhalinyaro ay ku eedeeyeen Basaasiin |
|
|
|
|
Written by Admin
|
|
Sunday, 25 October 2009 |
|
Warar goor dhaweyd naga soo gaaray magaalada Marka ee xarunta gobolka Sh/hoose ayaa sheegaya in maamulka Islaamiga ah ee ka arrimiya Marka isla markaana hoostaga Al Shabaab ay goob fagaara ah ku toogteen laba wiil oo dhalinyara ah kuwaas oo lagu eedeeyey in ay ahaayeen rag basaas ah.
Falka toogashada ah ayaa ka danbeeyey kadib markii maxkamada Islaamiga ah ee magaalada Marka ay ku riday xukun dil ah labadan wiil marki ay Maxkamadu ku heshay falal jaasuusnimada ah sida uu ka hor aqriyey goobta la toogtay Garsooraha Maxkamada magaalada Marka.
Labada dhalinyaro ee maanta lagu fuliyey xukunka dilka ah ayaa waxaa lagu kala magacaabi jiray Maxamuud Xuseen Axmed iyo Xuseen Aba Cali waxaana ay ka mid ahaayeen dhalinyaro ka soo jeeda gobolka Sh/hoose.
Waa amarki ugu horeysay oo ay fuliyaan maamulka magaalada Marka ee Xarakada Al Shabaab xukun dil ah,inkastoo ay fuliyeen xukuno kala duwan sida karbaash iyo xadad kale oo lagu fuliyey dad galay danbiyo.
Todobaadyo ka hor ayay aheyd markii sidan oo kale labo dhalinyaro ay ku eedeeyee Shabaab inay u jaajuusayeen dhinacyada ka soo horjeeda ay ku dileen magaalada Muqdisho
Maamulada Islaamiga ah ee hoos taga AlsShabab ee ka dhisan gobollada Koonfured ee Somalia ayaa bilooyinki lasoo dhaafay fuliyey xukuno kala duwan sida Qisaas,xad afoon dad Zino lagu qabtay,Gacmo iyo lugo goyn iyo garbaashid taasoo Xarakada Al Shabaab ay sheegeen in ay u cuskadeen waafajinta diinta Islaamka. |
