 Xildhibaano ka tirsan baarlamaanka soomaaliya ayaa iska dhiibay dalal dhowr ah, kuwaasoo galay damaca buufiska ah,kadib markii ay ka carareen dagaalada iyo ammaan darada ka jirta Caasimada Soomaaliya.
Warar ay xooraansatay Dalkanews.com ayaa sheegaya in xildhibaanadan ay gaarayaan ilaa labatameeyo,kuwaasoo ay ka mid yihiin mudanayaal caan ah,waxaana socota diiwaan gelinta lagu haayo mudanayaasha goostay.
Ilo lagu kalsoonaan karo ayaa sheegaya in Mudnayaal ay ka mid yihiin Xildhibaan Macalin Jiis, Xildhibaan Guurow iyo kuwo kor u dhaafaya 15-xildhibaan ayaa maalmihii la soo dhaafay ku qul qulay dalal ka tirsan qaarada Yurub,kuwaasoo durba isku dhiibay qaxooti ah.
Xildhibaano qaar ayaa diblomaasi ahaan isku dhiibay sida xildhibaan Macalin Jiis oo ku sugan dalka Talyaaniga,kaasoo sida la sheegay damac kag jira xildhibaanimadiisa,isla markaana doonaya inuu soo qaato sharciga Sijorno ee Talyaanigu bixiyo.
Wararka ayaa intaa ku daraya in xildhibaano dhowr ay doonayaan in marka sharci soo qaataan dib u soo laabtaan, halka kuwa kalena la sheegay in ammaan daro awgeed uga carareen.
Xildhibaanada faraha badan ee baarlamaank ayaa horaantii bishii May kala dhuuntay,kadib markii xaruntooda baarlamaaka lagu weeraray madaafiic, halka qaarkoodna ugaarsi loo dilay,waxaana inta badn xildhibaanadu yihiin kuwo masruuf-sugayaal ah oo qaarkood awoodin sameysashada ilaalo u gaar ah, tiiyo ay u dheer tahay ugaarsiga khaarijinta.
Ma ahan markii u horeysay ee xildhibaano ka tirsan baarlamaaka iska dhiibaan dalalka yurub, intii ay jirtay dowladdii uu hogaminayay C/laahi Yusuf ay jireen xildhibaano si siyaasadeysan dibada loogu safriyay, dabadeedna soo qaatay sharciyo, kadibna dalka dib ugu soo laabtay
|
