Madaxweynaha Uganda "Hadii ay isku dayaan Shabaab in ay weeraraan Uganda cawaaqim xumo ayay kula kulmayaan.
Madaxweynaha Uganda Yuweri Museveni ayaa si kulul uga jawaabay hanjabaadii Xarakatu Al-Shabab ee ahaa in ay weerarayaan caasimadaha dalalka Uganda iyo Brundi.
Isagoo ka hadlayay kulan madaxeedka Midowga Afrika ee qaxootiga iyo barakacayaash oo ka dhacayay casimada Kampala ayaa waxaa uu sheegay Madaxweyne Museveni in aany aqbaleyn weeraro uga yimaada kooxda Al-Shabab.
"Hadii ay isku dayaan Shabaab in ay weeraraan Uganda cawaaqim xumo ayay kulmayaan ha ogaadeen i aanu naqaan sida aan u weerarno kuwa na soo weerara"ayuu yiri Museveni oo sheegay in ciidamadooda aanay weerar aheyn.
Mr Museveni ayaa cadeeyay in doorkooda la og yahay, isla markaana ciidamadooda ay joogaan Madaxtooyada, Air Porka iyo Dekeda, waxaana uu intaa ku daray in ay og yihiin halka ay xarumaha ku leeyihiin Shabaab, balse aaay fasax u heysan in ay weerari karaan.
"Waa inaad u sheegtaan in ay cirka ku nuuleyn, hadey dayaxa dushiisa degenaan lahaayeen xoriyad ayay heli lahaayeen, laakii inta ay dhulka joogaan nama weerari karaan, jawaab adag ayaay heli doonaan"ayuu sii raaciyay madaxweynaha Uganda.
Hadalka Madaxweynaha Uganda Museveni ayaa ku soo beegmaya xilli Waaliga wilaayada Shabaab Shiikh cali maxamed xuseen uu sheegay in dagaalada Muqdisho ka furan ay u rari doonaan Kampala iyo Bujumbura,ayna ka aar-gudan doonaan duqeymaha ciidamada Amisom |